Mian Muhammad Bakhsh Dohray

Mian Muhammad Bakhsh Dohre

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

دوہڑے میاں محمد بخشؒ

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

1دہڑہ نمبر

باغ بہاراں تے گلزاراں بن یاراں کس کاری ؟

یار ملے دکھ جان ہزاراں شکر کہاں لکھ واری

اچی جائی نینہں لگایا بنی مصیبت بھاری

یاراں باجھ محمد بخشا کون کرے غمخاری

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

2دہڑہ نمبر

آ سجنا منہ دس کدائیں جان تیرے توں واری

تونہیں جان ایمان دلے دا تدھّ بن میں کس کاری

حوراں تے گلمان بہشتی چاہے خلقت ساری

تیرے باجھ محمد مینوں نہ کوئی چیز پیاری

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

3دہڑہ نمبر

دم دم جان لباں پر آوے چھوڑِ حویلی تن دی

کھلی اڈیکے مت ہن آوے کدھروں وا سجن دی

آویں آویں نہ چر لاویں دسیں جھات حسن دی

آئے بھور محمد بخشا کر کے آس چمن دی

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

4دہڑہ نمبر

سدا نہ روپ گلاباں اتے سدا نہ باغ بہاراں

سدا نہ بھج بھجِ پھیرے کرسن طوطے بھور ہزاراں

چار دہاڑے حسن جوانی مان کیا دلداراں

سکدے اسیں محمد بخشا کیوں پرواہ نہ یاراں

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

5دہڑہ نمبر

ربا کس نوں پھولِ سناواں درد دلے دا سارا

کون ہووے اج ساتھی میرا دکھ ونڈاون-ہاراون

جس دے نال محبت لائی چا لیا غم-کھارا

سو منہ دسدا نہیں محمد کی میرا ہن چارہ ؟

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

6دہڑہ نمبر

آدم پریاں کس بنائے اکو سرجن-ہاران

حسن عشقَ دو نام رکھائیوسُ نور اکو منڈھ سارا

مہبوباں دی صورتَ اتے اسے دا چمکارا

عاشق دے دل عشقَ محمد اوہو سر-نیارا

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

7دہڑہ نمبر

سرو برابر کد تیرے دے مول کھلو نہ سکدا

پھل گلاب تے باغ-ارم دا صورتَ تک تکِ جھکدا

یاسمین ہووے شرمندہ بدن-صفائی تکدا

ارغوان ڈبا وچ لہو چہرہ ویکھ چمکدا

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

8دہڑہ نمبر

کجھ وساہ نہ ساہ آئے دا مان کیہا پھر کرنا

جس جسے نوں چھنڈ چھنڈِ رکھیں خاک اندر وننجِ دھرنا

لوئِ لوئِ بھر لے کڑیئے جے تدھِ بھانڈا بھرنا

شام پئی بن شام محمد گھرِ جاندی نے ڈرنا

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

9دہڑہ نمبر

کستوری نے زلف تیری تھیں بو اجائب پائی

منہ تیرے تھیں پھلّ گلاباں لدھا رنگ صفائی

مہر تیری دی گرمی کولوں مہرِ تریلی آئی

لسا ہویا چن محمد حسنِ محبت لائی

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

10دہڑہ نمبر

طلب تیری تھیں مڑساں ناہیں جب لگ مطلب ہوندا

یا تن نال تساڈے ملسی یا روح ٹرسی روندا

قبر میری پٹِ دیکھیں سجنا جاں مر چکو سو بھوندا

کولے ہوسی کفن محمد عشقَ ہوسی اگ ڈھوندا

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

11دہڑہ نمبر

لمی رات وچھوڑے والی عاشق دکھیئے بھانے

قیمت جانن نین اساڈے سکھیا قدر نہ جانے

جے ہن دلبر نظریں آوے دھمیں سبہُ دھننانے

وچھڑے یار محمد بخشا ربّ کویں اج آنے

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

12دہڑہ نمبر

جے مہبوب میرے متلوبا ! توں سردار کہایا

میں فریادی تیں تے آیا درد فراقَ ستایا

اک دیدار تیرے نوں سکدا روح لباں پر آیا

آ مل یار محمد بخشا جاندا وقت وہایا

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

13دہڑہ نمبر

اک تگادا عشقَ تیرے دا دوجی بری جدائی

دور وسنیاں سجناں مینوں سخت مصیبت آئی

وس نہیں ہن رہا جیؤڑا درداں ہوش بھلائی

ہتھوں چھٹی ڈور محمد گڈی واؤ اڈائی

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

14دہڑہ نمبر

کر کرِ یاد سجن نوں روواں مول آرام نہ کوئی

ڈھونڈ تھکا جگ دیس تمامی رہا مقام نہ کوئی

رٹھا یار مناوے میرا کون وسیلہ ہوئی

لائِ سبون محبت والا داغ غماں دے دھوئی

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

15دہڑہ نمبر

جگّ پر جیون باجھ پیارے ہویا محال اسانوں

بھل گئی سدھ بدھ جاں لگا عشقَ کمال اسانوں

باغ تماشے کھیڈن ہسن ہوئے خواب اسانوں

جاون دخ محمد جس دن ہوئے جمال اسانوں

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

16دہڑہ نمبر

کی گل آکھِ سناواں سجنا ! درد فراقَ ستم دی

آیا حرف لباں پر جس دم پھٹ گئی جیبھ قلم دی

چٹا کاغذ داغی ہویا پھری سیاہی غم دی

دکھاں کیتا زور محمد لئیں خبر اس دم دی

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

17دہڑہ نمبر

پریئے ! خوف خدا توں ڈریئے کریئے مان نہ ماسہ

جوبن حسن نہ توڑ نباہو کی اس دا بھرواسا

ایہناں مونہاں تے مٹی پوسی خاک نمانی واسا

میں مر چکا تیرے بھانے اجے محمد ہاسہ

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

18دہڑہ نمبر

جو باطن اسِ نام محبت ظاہر حسن کہاوے

حسن محبت مہرم توڑوں کیوں مہرم شرماوے

مہرم نال ملے جد مہرم انگ نسنگ لگاوے

حسن عشقَ اک ذات محمد توڑے کوئی سداوے

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

19دہڑہ نمبر

کون کہے نہ جنس ایہناں نوں ؟ اکسے ماں پیو-جائے

اکو ذات ایہناں دی توڑوں اگوں رنگ وٹائے

اک کالے اک سبز کبوتر اک چٹے بنِ آئے

چٹے کالے ملن محمد نہ بنِ بہن پرائے

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

20دہڑہ نمبر

حسن محبت سبھ ذاتاں تھیں اچی ذات نیاری

نہ ایہہ آبی نہ ایہہ بادی نہ خاکی نہ ناری

حسن محبت ذات الٰہی کیا چبّ کیا چمیاری

عشقَ بے-شرم محمد بخشا پچھِ نہ لاندا یاری

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

21دہڑہ نمبر

جنس-کو-جنس محبت میلے نہیں سیانپ کردی

سورج نال لگائے یاری کت گن نیلوفر دی

بلبل نال گلے اشنائی خاروں مول نہ ڈردی

جنس-کو-جنس محمد کتھے عاشق تے دلبر دی

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

22دہڑہ نمبر

ہے سلطان حسن دی نگری راج سلامت تیرا

میں پردیسی ہاں فریادی عدل کریں کجھ میرا

تدھ بن جان لباں پر آئی جھلیا درد بتیرا

دے دیدار اج وقت محمد جگّ پر ہکو پھیرا

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

23دہڑہ نمبر

عشقَ فراقَ بے ترس سپاہی مگر پئے ہر ویلے

پٹے-بندھ سٹے وچ پیراں وانگر ہاتھی پیلے

صبر تحمل کرن نہ دندے ظالم برے مریلے

تدھ بن ایویں جان محمد جیوں دیوا بن تیلے

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

24دہڑہ نمبر

بستر نامرادی اتے میں بیمار پئے نوں

دارو درد تساڈا سجنا! لے آزار پئے نوں

ذکر خیال تیرا ہر ویلے درداں مار لئے نوں

ہے غمخار ہکلی جائی بیغمخار پئے نوں

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

25دہڑہ نمبر

چنتا فکر اندیسے آون بنھ بنھ صفاں قطاراں

وسّ نہیں کجھ چلدا میرا قسمت ہتھ مہاراں

پاسے پاسے چلی جوانی پاس نہ سدیا یاراں

ساتھی کون محمد بخشا درد ونڈے غمخاراں

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

26دہڑہ نمبر

مان نہ کیجے روپ گھنے دا وارث کون حسن دا

سدا نہ رہسن شاخاں ہریاں سدا نہ پھلّ چمن دا

سدا نہ بھور ہزاراں پھرسن سدا نہ وقت امن دا

مالی حکم نہ دیئ محمد کیوں اج سیر کرن دا

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

27دہڑہ نمبر

سدا نہ رست بازاریں وکسی سدا نہ رونق شہراں

سدا نہ موج جوانی والی سدا نہ ندیئے لہراں

سدا نہ تابش سورج والی جیوں کر وقت دپہراں

بے وفائی رسم محمد سدا ایہو وچّ دہراں

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

28دہڑہ نمبر

سدا نہ لاٹ چراغاں والی سدا نہ سوز پتنگاں

سدا اڈاراں نال قطاراں رہسن کد کلنگاں

سدا نہیں ہتھ مہندی رتے سدا نہ چھنکن ونگاں

سدا نہ چھوپے پا محمد رلمل بہنا سنگاں

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

29دہڑہ نمبر

حسن مہمان نہیں گھر باری کی اس دا کر ماناں

راتیں لتھا آن ستھوئی فجری کوچ بلاناں

سنگ دے ساتھی لدی جاندے اساں بھی ساتھ لداناں

ہتھ نہ آوے پھیر محمد جاں ایہہ وقت وہاناں

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

30دہڑہ نمبر

سدا نہیں مرگائیاں بہناں سدا نہیں سر پانی

سدا نہ سئیاں سیس گنداون سدا نہ سرخی لانی

لکھ ہزار بہار حسن دی خاکو وچ سمانی

لا پریت محمد جس تھیں جگّ وچ رہے کہانی