Sahir ludhianvi

Sahir ludhianvi Shayari in Urdu

Sahir Ludhianvi

Ab koi gulshan na ujde ab watan aazaad hai

Rooh ganga ki himaalay ka badan aazaad hai

Khetiyaan sona ugaaein waadiyaan moti lutaaein

Aaj "Gautam" ki zamin "Tulsi" ka ban aazaad hai

Dastakaron se kaho, apni hunar mandi dikhayen

Ungliyan katti thi jiski, ab woh fan azad hain

Mandiron mein shankh baaje masjidon mein ho azaan

Sheikh ka dharm Aur din-e-barahaman aazaad hai

Loot kaisi bhi ho ab is desh mein rahane na paae

Aaj sabake waaste dharati ka dhan aazaad hai

Kabhi kabhi mere dil mein khayal aata hai

ke zindagi teri zulfon ke narm chaon mein

guzarne pati to shadab ho bhi sakati thi

ye tirgi jo meri zist ka muqaddar hai

teri nazar ke shuaon mein kho bhi sakati thi

ajab na tha ke main begana-e-alam ho kar

tere jamal ke ranaiyon mein kho rehta

tera gudaz badan teri nim-bar aankhen

inhin hasin fasanon mein maho rehta

pukaratin mujhe jab talkhiyan zamane ke

tere labon se halawat ke ghunt pi leta

hayat chikhati phirati barahana-sar, aur main

ghaneri zulfon ke saye mein chup ke jee leta

magar ye ho na saka aur ab ye aalam hai

ke tu nahin, tera gam, teri justaju bhi nahi

guzar rahi hai kuch is tarah zindahi jaise

ise kisi ke sahare ke aarzoo bhi nahi

zamane bhar ke dukhon ko laga chuka hun gale

guzar raha hun kuch anjani guzargahon se

muhib saye meri simt badate aate hain

hayat-o-maut ke purhaul kharazaron se

na koi jada na manzil na roshani ka surag

bhatak rahi hai khalaon mein zindagi meri

inhin khalaon mein reh jaunga kabhi khokar

main janata hun meri ham-nafas magar yun hi

kabhi kabhi mere dil mein khayal aata hai..

Waffa-Shuaar keyi hain koi haseen bhi to ho,

Chalo phir aaj ussi bewafaa ki baat karen......

Har ek daur ka mazhab neyee khuda laaya,

Karen to hum bhi magar kis khuda ki baat karen...

Hammare ehd ki tehzeeb mei qabaa hi nahin,

Agar gabaa ho to band-e-qabaa ki baat karen...

Unhen pata bhi chale aur woh khafaa bhi na hon,

Iss ehtiyaat se kya mudaa.aa ki baat karen...

Ab Sazaa ka haal sunaayen jazaa ki baat karen,

Khudaa mila ho jinhe woh khudaa ki baat karen...

Ab to daaman-e-dil chorr do bekaar umeedo,

bohat dukh sehh liye mene bohat din jee liya mene...

Kon rota hai kisi aur ki khaatir aye dost,

sab ko apni hi kissi baat pe rona aaya...

jis subah ke khatir jug jug se hum sab mar mar ke jite hain

jis subah ke amrit ke dhun mein hum zeher ke pyale pite hain

wo subah na aaye aj magar, wo subah kabhi to aayegi

wo subah kabhi to aayegi.

faqon ke chitaon par jis din insan na jalaye jayenge

sine ke dahakate dozakh mein araman na jalaye jayenge

ye narak se bhi gandi duniya, jab swarg banai jayegi

wo subah kabhi to aayegi

majabur budapa jab suni rahon ke dhul na phankega

masum ladakapan jab gandi galiyon mein bhik na mangega

haq mangane walon ko jis din suli na dikhai jayegi

wo subah kabhi to aayegi

bitenge kabhi to din aakhir ye bhuk ke aur bekari ke

tutenge kabhi to but aakhir daulat ke ijaradari ke

jab ek anokhi duniya ke buniyad uthai jayegi

wo subah kabhi to aayegi

daulat ke liye jab aurat ke ismat ko na becha jayega

chahat ko na kuchala jayega, izzat ko na becha jayega

apni kali karatuton par jab ye duniya sharmayegi

wo subah kabhi to aayegi

mana ke abhi tere mere aramanon ke qimat kuch bhi nahi

matti ka bhi hai kuch mol magar insanon ke qimat kuch bhi nahi

insanon ke izzat jab jhuthe sikkon mein na toli jayegi

wo subah kabhi to aayegi

jis subah ke khatir jug jug se hum sab mar mar ke jite hain

jis subah ke amrit ke dhun mein hum zeher ke pyale pite hain

in bhuki pyasi ruhon par ik din to karam faramayegi

wo subah kabhi to aayegi

majabur budapa jab suni rahon ke dhul na phankega

masum ladakapan jab gandi galiyon mein bhik na mangega

haq mangane walon ko jis din suli na dikhai jayegi

wo subah kabhi to aayegi

wo subah kabhi to aayegi

in kali sadiyon ke sar se jab raat ka aanchal dhalakega

jab dukh ke badal pighalenge jab sukh ka sagar jhalakega

jab ambar jhum ke nachega jab dharati nagme gayegi

wo subah kabhi to aayegi

Tang aa chuke hain kash-ma-kash-e-zindagi se hum

thukra na den jahan ko kaheen bedili se hum

mayusi-e-ma’al-e-mohabbat na puchiye

apanon se pesh aaye hain beganagi se hum

lo aj hum ne tod diya rishta-e-ummid

lo ab kabhi gila na karenge kisi se hum

ubharenge ek bar abhi dil ke val-vale

go dab gaye hain bar-e-gam-e-zindagi se hum

gar zindagi mein mil gaye phir ittafaq se

puchenge apna hal teri bebasi se hum

ALLAH re fareb-e-masahiyat ke aj tak

duniya ke zulm sahate rahe khamoshi se hum

hum gam-zada hain laye kahan se khushi ke geet

denge wahi jo payenge is zindagi se hum

Tera khayal dil se mitaya nahi abhi

bedard main ne tujh ko bhulaya nahi abhi

kal tune muskura ke jalaya tha khud jise

sine aa wo charag bujhaya nahi abhi

gardan ko aj bhi tere bahon ke yaad hai

chaukhat se teri sar ko uthaya nahi abhi

behosh hoke jald tujhe hosh aa gaya

main badanasib hosh mein aaya nahi abhi

Saza ka hal sunaye jaza ke baat karen

khuda mila ho jinhen wo khuda ke baat karen

unhen pata bhi chalen aur wo khafa bhi na ho

is ehatiyat se kya maza ke baat karen

hamare ahad ke tahazib mein qaba hi nahi

agar qaba ho to band-e-qaba ke baat karen

har ek daur ka mazahab naya khuda lata

karen to hum bhi magar kis khuda ke baat karen

vafashiyar kai hain koi hasin bhi to ho

chalo phir aj usi bevafa ke baat karen

Tumhari mast nazar agar idhar nahi hoti

nashe mein choor fiza is kadar nahi hoti

tumhin ko dekhane ke dil mein aarazuen hain

tamhare aage hi aur unchi nazar nahi hoti

khafa na hona agar bad ke tham lun daman

ye dil fareb khata jan kar nahi hoti

tumhare aane talak hum ko hosh rehta hai

phir usake bad hamen kuch khabar nahi hoti

Ye husn tera ye ishq mera

rangin to hai badnam sahi

mujh par to kai ilzam lage

tujh par bhi koi ilzam sahi

is raat ke nikhari rangat ko

kuch aur nikhar jane de zara

nazron ko bahak jane de zara

zulfon ko bikhar jane de zara

kuch der ke hi taskin sahi

kuch der ka hi aaram sahi

jazbat ke kaliyan chunana hai

aur pyar ka tohfa dena hai

logon ke nigahen kuch bhi kahen

logon se hamen kya lena hai

ye khas ta’alluq aapas ka

duniya ke nazar mein aam sahi

rusavai ke dar se ghabara kar

hum tark-e-vafa kab karte hain

jis dil ko basa lain pehlu mein

us dil ko juda kab karte hain

jo hashr hua hai lakhon ka

apna bhi wohi anjam sahi

ye husn tera ye ishq mera

rangin to hai badnam sahi

mujh par to kai ilzam lage

tujh par bhi koi ilzam sahi

Tumse Quwwat Lekar, Main Tumko Raah Dikhaaonga

Tum Parcham Lehrana Saathi, Main Barbat par Gaoonga.

Aaj se Mere Phan ka Maksad Zanjeere Pighlana Hai

Aaj se Main Shabnam ke Badle Angaare Barsaoonga.

Nafraton ke jahan mein humko pyaar ki bastiyaan basaani hain

Door rehna koi kamaal nahi, paas aao to koi baat bane..

Pyaar Par Bas To Nahi Hai Lekin Phir Bhi

Tu Bata De Ki Main Tujhe Pyaar Karoon Ya Na Karoon..

Bhookh Aur Pyaas Ki Maari Hui Is Duniya Mein

Ishq Hi Ek Haqeeqat Nahi Kuch Aur Bhi Hai...

Zindagi Sirf Mohabbat Nahi Kuch Aur Bhi Hai

Zulf-O-Rukhsaar Ki Jannat Nahi Kuch Aur Bhi Hai..

میں نے جس وقت تجھے پہلے پہل دیکھا تھا

تو جوانی کا کوئی خواب نظر آئی تھی

حسن کا نغمۂ جاوید ہوئی تھی معلوم

عشق کا جذبۂ بے تاب نظر آئی تھی

اے طرب زار جوانی کی پریشاں تتلی

تو بھی اک بوئے گرفتار ہے معلوم نہ تھا

تیرے جلووں میں بہاریں نظر آتی تھیں مجھے

تو ستم خوردۂ ادبار ہے معلوم نہ تھا

تیرے نازک سے پروں پر یہ زر و سیم کا بوجھ

تیری پرواز کو آزاد نہ ہونے دے گا

تو نے راحت کی تمنا میں جو غم پالا ہے

وہ تری روح کو آباد نہ ہونے دے گا

تو نے سرمائے کی چھاؤں میں پنپنے کے لیے

اپنے دل اپنی محبت کا لہو بیچا ہے

دن کی تزئین فسردہ کا اثاثہ لے کر

شوخ راتوں کی مسرت کا لہو بیچا ہے

زخم خوردہ ہیں تخیل کی اڑانیں تیری

تیرے گیتوں میں تری روح کے غم پلتے ہیں

سرمگیں آنکھوں میں یوں حسرتیں لو دیتی ہیں

جیسے ویران مزاروں پہ دیے جلتے ہیں

اس سے کیا فائدہ رنگین لبادوں کے تلے

روح جلتی رہے گھلتی رہے پژمردہ رہے

ہونٹ ہنستے ہوں دکھاوے کے تبسم کے لیے

دل غم زیست سے بوجھل رہے آزردہ رہے

دل کی تسکیں بھی ہے آسائش ہستی کی دلیل

زندگی صرف زر و سیم کا پیمانہ نہیں

زیست احساس بھی ہے شوق بھی ہے درد بھی ہے

صرف انفاس کی ترتیب کا افسانہ نہیں

عمر بھر رینگتے رہنے سے کہیں بہتر ہے

ایک لمحہ جو تری روح میں وسعت بھر دے

ایک لمحہ جو ترے گیت کو شوخی دے دے

ایک لمحہ جو تری لے میں مسرت بھر دے ۔۔

ساحر لدھیانوی